شسالفه ياجماعه [الأرشيف] - منتدى مجلة صور الكويت الالكترونية

EnvoY

12-16-2008, 12:18 AM

السلام عليكم

ياجماعه كل مكان بالكويت صار التصوير فيه ممنوع

يعني الكوت يقولك صور على راحتك لكن بدون ترايبود وبدون عده :confused:

والمركز العلمي نفس السالفه

وذاك اليوم قاعد اصور الشارع الي صوب مرينا وهم يالي شرطي وقالي ان ممنوع تصوير المباني

<<طبعاً مارديت عليه وخذيت اللقطه :p

والله ماقمنا ندري وين نصور وملينا واحنا نصور الابراج جنه ماكو معلم غيرهم

والافنيوز خو ممنوع التصوير فيه نهائياً

والله ماقمنا نعرف شنسوي

وهالموضوع تفاعلي وياريت الكل يقول رايه

حسين القروي

12-16-2008, 12:22 AM

يا هلا فيك أخوي محد يقدر يمنعك من التصوير ما لم يكن

منشأ عسكريه أو أشخاص لا يرديون التصوير ويفضل

أنك تستأذن من قبل ادارة المكان ولا أحد يمنعك

الرجاء متابعة هذا الموضوع

http://www.q8-photo.com/site/index.php?p=1&pn=39

خالد محمد

12-16-2008, 01:31 AM

ممممم والله مادري شنو يصير لو تصور مباني !
قالولي ان التصوير ممنوع بالكوت وانا قلت لهم لا عادي محد يقولي شي طلع عشان بدون ترايبود :p

بهالحاله عندك بحر سوق شرق والابراج وبرج التحرير :d

بالنسبه للقوانين عزيزي حسين ماله اهميه لأن كل مكان يقولك ممنوع ولاتناقش .... مايعطونك مجال حسب الي اشوفه من كلام الشباب ولمن اشوف احد يصور يقولون ... بكل برود لاممنوع .

الحل ؟ الله كريم : )

حسين القروي

12-16-2008, 05:18 PM

والله يا خالد انا من صورت محد كلمني دائما أستأذن

وارسل لهم كتاب قبل لا أروح وبالعكس يرحبون فيني

وفي الأعضاء ولا صادفتني مشكلة وتبي الصراحه البعض

من ربعنا الله بالخير طايحين تصور في الناس والعمال

والبعض منهم يصور من غير استأذان ولا يحترم الموجودين

هذا الشي ما يصير بارك الله فيك

خالد محمد

12-16-2008, 06:20 PM

عدل كلامك لأن الي كلموهم وصار جدامي هالموقف بدون اي كلمه او اذن يحط العده ويصور . . .

ماتقصر على التوضيح بوعلي

بارك الله فيك .

محمد قاسم

12-16-2008, 09:21 PM

مثل ماقال اخوي بو علي:

ماكو شي يمنع من التصوير

إلا اذا كان المكان : منطقه عسكريه او اشخاص لايريدون التصوير : )

و لمزيد من المعلومات حول هذا الموضوع الرجاء قراءة مافي الصفحه التاليه :

http://www.q8-photo.com/site/index.php?p=1&pn=39

وشكرا : )

EnvoY

12-16-2008, 11:29 PM

والله مادري شبصور عاد الي لازم ادز كتاب ومادري شنو

ومشكورين علىالتفاعل

BLouSHi

12-16-2008, 11:34 PM

اي والله ياخوي

بس الكوت عادي

روح حق اي سكيورتي قول له انت تكلم المدير وخالصين

وعلى موضوع الافنيوز صور وجنك ماتدري والسكيورتي هم مايكلمونك بس شوفلك مكان شوي بعيد عنهم

مالنا الا جذي على ما ناخذ حقوقنا :\

حسين القروي :-

بس لما انا اروح بكل احترام واكلمهم ويقولولي لأ ولما غيري يروح يرحبون فيه مع انه حاله من حالي وخطوات الوصول نفس خطواتي راح اكون مضطر الا اني اتعدى حدودهم واسوي الي ابيه وامشي بعد شسوي .. :\

حسين القروي

12-16-2008, 11:41 PM

فيصل مع أحترامي لك أنت صغير في السن لم تروح

بشخصك ما راح تحصل الي تبيه بس لم يكون كتاب يمثل

مجموعة ولها مكان راح يختلف الوضوع ولله الحمد كل كتبنا

تمر بسهاله وتشجيع وهم ما يصير كل مصور يقدم كتاب

يعني لم تكون مجموعة تختلف والموظف سواء مصري

أو هندي أو أي جنسية ما قالك الا من نابع تخصصة ووظيفتة

والكلام هذا ماخذة من مسؤلينه يا جماعه الديره فيها

قانون ويمشي على الجميع لازم نحترم قوانين المكان

الي نتواجد فيه ما يصير كل شي نبيه على كيفنه

EnvoY

12-17-2008, 12:08 PM

والله انا طيحلي بحركه حلوه

اذا يالي احد كلمني اقوله اني موكويتي وخلاص وياي اصور معالم الكويت

راح يتوهق بصراحه

ومشكورين على التفاعل

حسين القروي

12-18-2008, 03:55 AM

أخوي طلال حبل الجذب قصير

وأكيد راح يسألون عن اثباتك

بارك الله فيك

swaidan

12-18-2008, 04:09 AM

يعطيكم الف عافية جميعاً بصراحة الموضوع هام ودايم نصادف هل الحالة وين ما نروح والحمدلله في ناس متعامونة وفي ناس تصمم على انه يكون معاك كتاب رسمي وهني مثل ما تفضل استاذنا حسين ما يقصر اذا كان في موضوع مهم ووموجود جماعة بحيث يكون تيم يغطي موضوع معين.
ولكن مثل ما تعرفون نمشي ونتخشش والسبب معانا كامرة وجنها سلاح مو كامرة نحاول نداريها عكس ماهو مفروض اننا نفتخر ونظهر كمصورين قاعدين نعكس صورة الكويت الحبيبة ونعكس كل ما هو جميل وكل موضوع يحكي قصة او يعبر عن رأي
تمنياتي بالتوفيق للجميع ودائماً نستفيد من هذا المنتدى الكثير ومن استاذنا الكريم الأخ حسين بمواضيعة وتوجيهاته
كل الشكر الى كل المشاركين بهذا الموضوع

محمد قاسم

12-18-2008, 10:18 AM

تفاعل جميل من الأعضاء

و لكن الموضوع بسيط يا اخوان:

اذا رحت اي مكان و حاب انك تصور :

روح حق الاداره اوو احد من الأمن و قوله انا بصور و اذا قالك ليش : قوله بوثق المكان عشان اشارك بالصور اب مجله اووو مسابقه او اي كان

و هل شغله حتى 5 دقايق ماراح تاخذ من وقتك

و اكبر مثل على صحة كلامي :

قبل جم يوم : رحت مزل شهداء القرين : كنت رايح هناك و بصور

اول مادخلت : كلمت السكيورتي قلت له انا بصور المكان عشان بوثقه قالي عادتا يكون في كتاب رسمي : بس دقيقه خلك وياي خل اكلم لك المسؤل : دخلوني داخل بالإستقبال : حتى دقيقه مانطرت : شوي ولا المسؤل نفسه نازل : قالي آمر اخوي : قلت له والله بصور المكان حق التوثيق و يمكن ينزل بالنت كا تغطيه

قالي إخذ راحتك اخوي و صور لين تمل:

بس لو كنت داش من كيفي و مصور من دون اي استإذان :

جذي انا ما احترمت المكان اللي انا رايح له وولا حطيت اعتبار حق اي مسؤل و اي احد

و شي طبيعي راح يمنعوني من التصوير و يمكن حتى لو اييب لهم كتاب رسمي ما يخلوني

اتمنى اني وصلت المعلومه : )

EnvoY

12-19-2008, 02:05 AM

حجي والله بتقوله بوثق المكان ومادري شنو

مايفيدك في ناس مخوخهم قفله

ويابوعلي اذا قالي ابي اثباتك اقوله بالفندق

وحبل الجذب طويل اذا عرفت اطوله

خخخخ

خالد محمد

12-19-2008, 07:12 AM

مناقشه جميله ....

بس الجذب مايفيد بوجهة نظري كل هذا عشان صورة ؟ اخذ الاذن والسلام ختام

بالنهايه هاذي هوايه حلو ان الكل يمارسها بنتظام وتفاهم ومحد يمنع احد . . . المسؤلين مايمنعون اذا في تفاهم الا اذا كانت الحاله ماتسمح خير شر ...

تحياتي .

yousef mustafawi

12-20-2008, 04:07 AM

انا عن نفسي دائما اصور اماكن عامة واحاول اتجنب قدر المستطاع تصوير الاشخاص بالمنظر العام , وطبعا اذا استاذنت فهذا راح يساعدك وممكن بعض الجهات مشكورة تسهل الامور عليك .

محمود أسد

12-22-2008, 12:39 AM

في مرة .. طلعت أصور الأبراج .. وماخذ عدتي .. من ترايبود وعدسات .. إلخ

ورحت عند كاونتر التذاكر .. عشان استأذن اني ادخل وأصور داخل .. طلع لي الحارس وقال لي ممنوع منعا باتا تدخل كامرة كبيرة

وكل هالأجهزة معاك .. وما أدري شنو .

قلت له ليش .. قال لي .. هذا القانون

طبعا ما نفع .. معاي .. وقلت له أبي أكلم أي مسئول .. وأتفاهم معاه

قال لي آنا باتصل لك .. بالمسئول ... اتصل بالمسئول .. وما رد عليه

جان يقول لي .. المسئول يقول ممنوع .

قلت له .. عطني رقمه وانا بتفاهم معاه .

ويوم اتصلت فيه .. سئلني .. انت تابع لأي جهة .. !

قلت له .. مصور هاوي .. وحاب اصور معلم ديرتي الجميل .

فقال لي .. دش على الإدارة .. عند وحدة لبنانية .. واطلب منها هالطلب

وما راح تقصر معاك .

وفعلا ما قصرت معاي .

وكلمت السكيورتي

وخلوني اصور على كيفي .
--------------------

الإستإذان مهم واللباقة في الكلام لها نتيجة قوية وفعالة

تحياتي لكم

QASEM

12-22-2008, 02:10 AM

السلام عليكم

أعزائي التصوير بالكويت متاح إن لم يخالف قانون ثائم على منع تصوير الماده
والإستأذان من إدارة أو أصحاب المادة المراد تصويرها نوع من الإحترام لحقوق
الأخرين .

أما تصوير الأماكن العامه يجب أخذ الحيطه هناك ناس ماتحب تتصور وممكن
تنقلب عليك السالفه ودش في متاهه مالها أخر .

أضن الإستأذان وبأسلوب مهذب وبطريقه محترمه توصلك لغايتك بنسبة 90%

و10 % الله يعينك عليهم .

موضوع جميل وم***ب من طرفي يعبر عن راي الشخصي وكما لك حريتك للجميع
حريته والقانون يحفظ الحريات

موفقين

! .. ΆΒeeЯ

01-21-2009, 05:58 AM

خالد محمد

01-21-2009, 08:32 PM

موضوع حلو " وفعلا مافي حريه عندنا الا اللي عندها هوويه مصوٌر

انا مااحب اصوٌر اشخأص وقبل لاأصور اتاكد انه المكأن خالي ومافيه ناس

بس صارلي موقف بجد انقهرت " عارفين اليخوت اللي بمركز سلطان

لما رحت أصور ولا حارس البوأبه يقولي ممنوع وويمي واحد عنده كاميرا ديجتال ماكلمه

شنو لفرق كلها صووٌره

الناس تخاف من الكاميرا البروفيشنال :confused:

والمشكله اني قاعده اصور بحر وجدامه يخووت !!! والله الشاهد مافيه ناس حتى الهنود مو مبين وقتها

من يومها والله الكاميرا بالكبت حالها حال باجي الاغراض ورجعت اصور بكأميرا ديجتال :rolleyes:

طبعا مومن الحارس ووايد اماكن تقدرين تصورين بالديجتال مثل الابراج من داخل : )
بس LSR ماتصير لأن الخوف من التقنيه مثل ZOOM العالي على سبيل المثال او دوربين مراقبه الحارس مايعرف : ) واكثر الاوقات يكون عبالهم صحافه <<< وهذا اكبر سبب انهم يمنعون

بالنهايه طلعي الكامره من الكبت وصوري مكان ثاني موشرط مركز سلطان عند اليخوت عندج يخوت سوق شرق والكوت عادي محد يقولج ممنوع بس ببعض الاماكن ممنوع حمل استاند ثلاثي فقط
يعني صوري كثر ماتبين بس بدون حامل ثلاثي : )

تحياتي لكم .

EnvoY

01-22-2009, 02:37 AM

اخوي ازيد معلوماتك شوي

اليخوت ممنوع تصويرها حتى لوكانت بالبحر

لأن هذي ملكيه شخصيه وحتى المرسى الي واقفه فيه اهي ملكيه خاصه حق صاحب اليخت فممنوع تصويرهم

واذا على سالفتج اختي عبير قوليله انا موقاعده اصور اليخوت وعطيه ظهرج وصوري

واذا كلمج قوليله سو الي تبيه ماني راده عليك

ولا تخافون دام معاكم الحق

وعلى فكره انا قاعد اتكلم عن تصير المباني والاماكن بدون لا اصور افراد

حسين القروي

01-22-2009, 03:30 AM

شنو الكلام هذا لو سمحت لا تحرض الناس على مثل

هالأفعال روح سو الي تبيه بروحك من غير لا توجه الناس

على أفعال تخالف القانون .

الحين لو افترضنا انك انت ومعاك أهلك في اليخت هل تقبل

أحد يصور اليخت ، لو قلنا اليخت ما فيه أحد وأنت صاحب

اليخت وما تبي أحد يصوره قصب السالفه ،

اذا كان هناك شي مو ملك للحكومه او معلم

ما يجوز انك تصوره الا تاخذ موافقت المالك

أو المسؤل عنه وهذا الشي متبع في كل

انحاء العالم وسبق حطيت الرأي القانوني

نحن في بلد قانون ما يصير كل شي على كيفنا

يعني لو يالك شرطي و***جك تبي تتهاوش معاه

وتقوله على كيفي والي تبي تسويه سوه

الكلام هذا مو صحيح ولا نقبلة

حتى لو يضر هوايتنا

بارك الله فيك

EnvoY

01-22-2009, 10:52 PM

اخوي

اقرا كلامي عدل لو سمحت

!!!!!!!!!!!!!!!!!!!!!!!!!!!!!

انا قتلها قوليله قاعده اصور البحر لأن اهي تبي تصور البحر

وانا كاتب ان اليخوت ملكيه شخصيه

حسين القروي

01-22-2009, 11:09 PM

عبير قوليله انا موقاعده اصور اليخوت وعطيه ظهرج وصوري

واذا كلمج قوليله سو الي تبيه ماني راده عليك

-----------------------------------------------
طلال انا متابع مشاركاتك من البدايه

البنت تقولك كانت تبي تصور بحر مملوك الى جهة

مأجرته من الدولة و اليخوت موجوده

في مركز سلطان أنت تبي الناس تجذب

وتخالف القانون ما راح أعيد كلامي أي مخالفة ثانية

راح تتوقف عضويتك